Алматыдағы көлік қозғалысын шектеу жексенбіден сенбіге қараған түні басталады. Жарыстың ресми сайты таратқан ақпаратқа сай, жарыс бағыты өтетін жерлердегі турникеттер түн жарымнан түске дейін тұрады екен.
Спортшылар жарысты Тұңғыш Президент саябағынан бастайды, сол себепті Әл-Фараби даңғылының Мұстафиннен Науаи көшесіне дейінгі солтүстік жағы 0:00-ден 12:30-ға дейін жабылады. Әл-Фараби даңғылының Мұстафиннен Науаи көшесіне дейінгі оңтүстік (жоғарғы) жағы автокөлік жүргізушілері үшін 7:20-дан 8:00-ге дейін жабық болады.
Мұстафиннен Шашкинге дейінгі Әл-Фараби даңғылының бойындағы қозғалыс 7:00-ден 11:30-ға дейін тоқтатылады. Бұл ретте, Әл-Фараби даңғылының оңтүстік бөлігі ашық болады.
Әл-Фарабидің Шашкин көшесінен Назарбаев даңғылына дейінгі бөлігіндегі қозғалыс 3:00-ден 11:30-ға дейін жабық тұрады. Әл-Фарабидің оң жақ бөлігі ашық болады.
Сейфуллин даңғылының Әл-Фараби даңғылынан Абай даңғылына дейінгі аралығындағы қозғалыс 7:30-дан 10:00-ге дейін толықтай жабылады.
Абай даңғылының Саин көшесінен Сейфуллин даңғылына дейінгі бөлігі 7:20-дан 12:00-ге дейін жабылады. Сол жағы ашық болады.
Және соңғысы, Саин көшесінің Әл-Фараби даңғылынан Абай даңғылына дейінгі бөлігін 7:00-ден 11:00-ге дейін жабады. Бұл ретте батыс бөлігіне тиіспейді екен.
Жартылай марафон шеңберінің ішінде тұратын жүргізушілерге оның сыртына келесі жол айырықтар арқылы шығуға болады:
- Абай — Саин,
- Саин — Шаляпин,
- Саин — Жандосов,
- Жароков — Әл-Фараби.
Жолда мұқият болыңыздар және өз бағыттарыңызды алдын ала жоспарлаңыздар!
11.10.2018 ж. 11:40-та толықтырылды: Белгілі болғандай, дәл осы күні таң атысымен Әл-Фараби даңғылының бойына велосипедшілер де шығады. Бесінші бұқаралық күзгі веложарыс 9:30-да «Нұрлы Тау» бизнес орталығының аумағында бастау алып, Тұңғыш Президент саябағында өз мәресіне жетпек.
Комментариев: 0