Оңтүстік астанада нормадан көп зиян газ бен түтін шығаратын автомобильді анықтау шарасы 2023 жылғы желтоқсанда сынақ ретінде басталған. Биыл 1 қаңтарда экосезгектер толық іске қосылды.
Kolesa.kz редакциясына Sergek Group өкілдері хабарлағандай, мамандар Алматы көшелерінде жүргізген мониторинг қорытындысын шығарып жатыр. Тексеріс кезінде анықталған «лас» көліктер тізімін 10 ақпанда полицияға береді. Енді полицейлер ереже бұзған машинаны анықтап, тоқтатуға және тексерістен өткізу үшін экопостқа жіберуге мүмкіндік алады.
«Лас» көлік иелері темір тұлпарын алдағы бір апта ішінде жөндетіп алғаны жөн.
Айта кетейік, экопоста машинаны бұрынғыдай «түтіктен шыққан түтінге қарап» емес, қатаң әрі ғылыми әдіспен тексереді. Бірақ бензинмен жүретін көлікті минус 7 градустан төмен температурада, ал дизельді көлікті нөлден төмен температурада тексеруге болмайды.
Комментариев: 0