Почти 1 500 нарушений на выделенках зафиксированы в Алматы

Алматы жүргізушілері 1 500 рет арнайы жолаққа шығып кеткен

Қала көшелеріндегі камераның көптігі ереже бұзушыларға бөгет емес сыңайлы.

Көбіне жүргізушілер Райымбек даңғылындағы арнайы жолаққа өтіп кетеді. Жергілікті полиция департаментінің баспасөз қызметі хабарлағандай, жыл басынан бері аталған даңғыл бойында 790 ереже бұзу дерегі тіркелген. Абай бойында полицейлер 322, ал Төле биде 301 оқиғаны анықтады.

«Жолдағы белгілер мен таңбаларды ескермей, арнайы жолаққа көлік қойып кететіндер де аз емес. Мұндай жағдайлар қоғамдық көліктің үздіксіз жұмысы мен жол қозғалысының қауіпсіздігіне кері әсер етеді», — дейді Алматы қалалық ПД ЖПҚБ патрульді полициясының командирі Манап Саттаров.

Анықтама ретінде: 2020 жылдың 1 қаңтарынан бастап оңтүстік астанада 400 жаңа «Сергек» камерасы іске қосылды. Олардың көбі арнайы жолақтарға бағытталған. Алайда бұл кейбір жүргізушілерді мүлде мазаламайтын сияқты.

Естеріңізге сала кетейік, жүргізушілер мемлекет алдында қарызының бар-жоғын kolesa.kz мобильді қосымшасы арқылы біле алады. Ол үшін қосымшаны смартфонға орнатып, «Айыппұлдар» бөліміне өту қажет. Содан кейін ЖСН немесе БСН енгізіп, «Тексеру» батырмасын басу керек. Егер мемлекет алдында қарызыңыз бар болса, оны бірден төлеуге болады.

Комментариев: 0

Чтобы оставить комментарий, вам необходимо зарегистрироваться или авторизоваться.