2 шілдеде тас жолдың 86-шақырымында, Бәйдібек би мен Қазатком ауылына баратын жолдарымен қиылысқан тұста бетон жабыны кеңеюінен трамплин пайда болды. Куәгерлердің айтуынша, ақау трассаның Алматыға баратын жағында байқалған. Жолдағы күтпеген кедергіден бірнеше көлік бүлінді.
Аталған тас жолда 110 км/сағ жылдамдықпен жүруге рұқсат етілген. Бірақ мұндай қарқынмен келе жатып трамплинге тап болса, кем дегенде көлік ауыр дәрежеде бүлінеді, тіпті қайғылы жағдай болуы мүмкін.
«ҚазАвтоЖол» ҰК" АҚ ауа температурасы 40 °C-тан асып кеткендіктен, жолда ақау пайда болғанын мәлімдеді. Қазір барлық мәселе шешілді. Жол жөндеушілер Kolesa.kz тілшісінің сұрағына толық ақпарат белгілі болғаннан кейін жауап беретінін айтты.
Біз жағдайды назарда ұстаймыз.
Комментариев: 0