22 тамыз күні түнгі ондар шамасында Әл-Фараби даңғылында бірқатар құқық бұзушылық үшін «Мерседесті» арнайы батальон жасағы тоқтатқан деп хабарлайды Алматы қалалық ІІД-нің баспасөз қызметі.
«Әл-Фараби даңғылының бойымен батыс бағытта үлкен жылдамдықпен қозғалған „Мерседес“ автокөлігін құрықтауға пәрмен берілді. Жүргізуші жол қозғалысының басқа қатысушылары үшін апатты жағдай туғызатын қауіпті маневрлер жасаған. Аталған көлік құралының жолын түнгі іздестіру тобы бөгеді.
ЖҚЕ-ін бұзғаны үшін 1998 жылы туылған жүргізушінің атына 4 әкімшілік хаттама толтырылды:
- 606-баптың 1-бөлігі (апатты жағдай туғызу) — 1,
- 230-баптың 1-бөлігі (сақтандыру полисінің жоқтығы) — 1,
- 595-баптың 1-бөлігі (маневр жасау қағидаларын бұзу) — 2.
Содан кейін бұл көлікті айып тұрағына қою барысында, жүксалғыштан екі жалған 007HML01 мемлекеттік нөмірлер табылды. Жүргізуші бұл нөмірлерді Ресей Федерациясында сатып алғанын айтты» — деп хабарлады Алматы қалалық ІІД Әкімшілік полиция басқармасының басшысы полиция полковнигі Жандос Мұратәлиев.
Комментариев: 0