2018 жылы оңтүстік астана полицейлерінің қарақшылық шабуыл жасаумен айналысқан 49 топты, тонаумен айналысқан 124 топты, пәтер тонаған 27 топты, көлік тонаған 39 топты, қоғамдық орында елдің қалтасына түскен 55 топты және көлік ұрлаумен айналысқан 16 топты қолға түсіргенін Алматы қалалық полиция департаментінің баспасөз қызметі хабарлады.
Жуырда ғана Әуезов ауданына қарасты Жетісу шағынауданында қараңғы мезгілде жол-патруль полициясының «Боран-087» жасағы Toyota Camry-дің әйнегін шағып, автомагнитоланы қолды еткен қылмыскерді құрықтады. Қазіргі таңда ҚР ҚК-нің 188-бабы («Бөтеннің мүлкін ұрлау») бойынша сотқа дейінгі тергеу жұмыстары жүргізіліп жатыр. Ұсталған азаматтың осыған ұқсас өзге де қылмыстарға қатысының бар-жоғы анықталуда.
Комментариев: 0