25 наурыз бен 3 сәуір аралығында оңтүстік астанада тәртіп сақшылары 1555 мопедшінің атына 10 729 500 теңге айыппұл жазды. Жергілікті полиция департаменті Kolesa.kz редакциясына негізінен екі бап бойынша хаттама толтырғанын хабарлады. Олар:
- Әкімшілік кодекстің 593-бабы, шлемсіз мопед жүргізу және жолаушы тасымалдау (5 АЕК немесе 17 250 теңге);
- Әкімшілік кодекстің 596-бабы, мопедпен жүруге тыйым салынған жолақпен қозғалу (15 АЕК немесе 51 750 теңге).
Самокатшылар да жол ережесін бұзғаны үшін жазаланды, полиция көзіне түскендер 2 АЕК (6900 теңге) айыппұл төлейді.
Сонымен қатар түрлі ереже бұзған 173 мотоциклші қала қазынасына жалпы үш миллион теңге құятын болды.
Тәртіп сақшылары шаһарда тексеріс әрі қарай жалғасатынын айтты.
Комментариев: 0