Алматы облысында ереже бұзған мопедшілер ұсталды

Билік өкілдері 30 тамыздан, яғни «Жол жүрісі туралы» заңға өзгеріс енгеннен бастап 11 қыркүйекке дейін облыста мопедшілерді тексерді. Алматы облысының полиция департаменті Kolesa.kz басылымына санаулы күнде 264 мопед, скутер және электросамокат жүргізушісі ұсталды деп хабарлады.

View this post on Instagram

A post shared by Криспи (@krispi_kazakhstan)

Заң бұзғандардың басым көбі (91 жүргізуші) Әкімшілік кодекстің 615-бабына сәйкес 6900 теңге (2 АЕК) айыппұл арқалады. Cонымен қатар шлемсіз жүрген және жолаушы тасыған 58 жүргізуші Әкімшілік кодекстің 539-бабы бойынша 17 250 теңге (5 АЕК), құжатсыз жүрген 59 адам Әкімшілік кодекстің 612-бабына сәйкес 17 250 теңге, ал жол ережесінің өзге талаптарын сақтамаған 41 азамат 10 350 теңге (3 АЕК) төлейді.

Полицейлер кәмелетке толмаған бес жасөспірімнің ата-анасына өз міндетін орындамағаны үшін 34500 теңге (10 АЕК) айыппұл салды.

Биыл «Жол жүрісі туралы» заңға да, жол жүру ережесіне де өзгеріс енді.