Ходить только на работу и в магазин разрешат жителям Алматы и Нур-Султана

Алматы мен Нұр-Сұлтан тұрғындары тек дүкенге және жұмысқа бара алады

Карантинге жабылған қалалардың тұрғындары үшін жаңа шектеулер енгізілді.

Мемлекеттік комиссия Алматы және Нұр-Сұлтан қалаларындағы карантиндік шаралардың күшейтілетінін хабарлады.

Соған сәйкес, 28 наурыз 00:00-ден бастап:

  • Алматы мен Нұр-Сұлтан тұрғындарының азық-түлік, дәрі-дәрмек алу және жұмысқа баруды қоспағанда, үйден шығуына тыйым салынады;
  • Халық көп жиналатын орындардың бәрі (саябақтар, шағын бақтар, жаяу жүретін көшелер, жағалаулар мен ойын алаңдары) жабылады;
  • Қоғамдық көліктің жұмыс уақыты кезең-кезеңімен шектеледі;
  • Көшеде және басқа да қоғамдық орындарда үш адамнан артық (отбасы мүшелерін қоспағанда) жиналуға болмайды;
  • Кәмелетке толмағандардың көшеде ересектерсіз жүруіне тыйым салынады.

Жақын күндері Шымкент тұрғындарының да өмірі өзгереді. Мұнда әуежай, теміржол және автовокзал, сонымен қатар бала-бақшалардың жұмысын тоқтату жоспарланып отыр. Халық көп жиналатын орындар да жабылады, мейрамхана, кафелер тек 18:00-ге дейін адам қабылдай алады. Ал одан кейін тек жеткізу қызметін ұсынады. Базарларға қатысты шектеулер енгізуді қала билігі қарастырады.

Комментариев: 0

Чтобы оставить комментарий, вам необходимо зарегистрироваться или авторизоваться.