Алматы көшелерінде қозғалыс шектеледі

Ұжымдық қауіпсіздік туралы шарт ұйымына (ҰҚШҰ) мүше мемлекеттердің Қорғаныс министрлері кеңесінің отырысы оңтүстік астанада 30-31 мамыр аралығында өтеді, ал 2-3 маусымда қалада Парламенттік ассамблея кеңесінің отырысы, 5-6 маусымда мегаполисте Қауіпсіздік кеңестері хатшылары комитетінің отырысы болады.

Полиция департаменті осыған байланысты кейбір көшеде қозғалыс жартылай шектелуі мүмкін екенін ескертті. Алайда Полиция департаменті мен әкімдік нақты қай көшелер жабылатыны туралы мәлімет бермеді.

Бүгін таңертең Хан Тәңірінен шығысқа қарай Әл-Фараби даңғылы жабылып, жақын маңдағы көшелерде кептеліс болды.

Бұдан бөлек бүгін жаңа әуежай терминалы ашылады, оған да мәртебелі қонақтар қатысады.