Өткен жұмада Алматыда 20 сантиметрге жуық қалың қар жауды. Сол күні қала билігі коммуналдық мекеме қызметкерлері жолды дер кезінде тазалап жатқанын көрсететін ақпарат таратты. Әкімдік өкілдері видеода мегаполисте қар тазалайтын техника жұмыс істеп жатқанын, жұманың кешінде жүргізушілер таза асфальтпен жүретінін айтты.
Бірақ шын мәнінде олай болған жоқ. Жұма күні жұмыстан қайтқан тұрғындар жолды қалың қар басып жатқанын, тіпті кей көше көктайғақ болып қалғанын байқады. Бұл жағдай сенбі, жексенбіде де өзгерген жоқ. Демалыс күндері жолға тұз шашып, қар тазалап жүрген жалғыз трактор көзге түсті, бірақ ол көп жолды тазалап үлгерген жоқ. Тіпті бүгін, дүйсенбі күні де қала көшелері толық тазаланбады, жолда жүру әлі қауіпті.
Kolesa.kz редакциясы қала көшелері неге әлі мұздан тазармағанын сұрағанда, шенділер табиғат заңына қарсы шыға алмайтынын айтты. Алматы қаласы Коммуналдық инфрақұрылымды дамыту басқармасы қар толық күрелмеді деген уәжбен келіспейді. Жолды мұз басып, машиналар жүре алмай жатыр деу субъективті пікір деп санайды.
Әкімдік жолдарды регламентке сай тазартқанын айтты. Қар жауған күні жолды үш рет күреген: таңертең, сағат
Коммуналдық мекеме өкілдері Алматы климаты үшін жолда қар түйіндерінің жатуы қалыпты жағдай, сондықтан мұндай жолда бұдыры бар дөңгелекпен жүрген жөн деді. Айтпақшы, сәрсенбі күні Алматыда тағы қар жауады деген болжам бар.
Сіздің ойыңызша әкімдік осы жолы қарды дер кезінде тазалай алды ма?
Комментариев: 0