Қала көшелерін аралау барысында әкімге жаз бойы жүргізіліп келе жатқан көшелерді реконструкциялау жұмыстарының нәтижесін көрсетті. Бұл жұмыстарға қала басшысының көңілі толмады.
Абылай хан көшесіндегі жұмыстарға жауапты компания әкімнің қатал сынына тап болды. Байбектің айтуынша, кеспе тастар дұрыс төселмеген және тротуарлар қозғалыс аймағымен түйіспейді. Әкім Алматы-2 вокзалы және жастар театрының алдындағы алаңдарға қатысты да ескерту жасады. Бұл нысандар бірнеше ай бойы жөнделіп жатса да, әлі аяқталмаған.
Сонымен қатар, Бауыржан Байбек жұмыстың ұйымдастырылуына да ерекше назар аудару қажеттігін баса айтты.
— Әрдайым, қазу жұмыстарын бастамас бұрын, адамдар қалай өтеді, олардың жүруіне қалай жағдай жасау керек деп ойлану керек қой. Міне, мына жерде газ желілері қайта жасалуда, ал тротуардағы ескі құбырларға әлі күнге дейін демонтаж жасалмаған, — деді Алматы әкімі.
Қазіргі таңда мамандар даңғылдағы барлық ақауларды анықтапты, ал жұмысқа жауапты компанияларға олқылықтарды жою туралы ескертпе берілген екен. Бұл жайында қалалық құрылыс басқармасының басшысы Нұрбол Нұрсағатов хабарлады.
Комментариев: 0