Жуырда алматылық автобус жүргізушілері жолаушылардан қолма-қол ақша қабылдауды қояды. Бұл жұмысты енді валидатор атқармақ. Олардан кезінде, карта арқылы төлем жасау жүйесін енгізу үшін бас тартқан болатын.
Аталған құрылғылардың қайта оралатыны жайлы ақпаратпен Onay Pay компаниясының директоры Владимир Смирнов бөлісті. Қазіргі таңда жаңа буындағы терминалдар жобалау кезеңінде. Оларды тек 2019 жылы енгізу көзделген.
Жобаны әзірлеушілердің пікірінше, қоғамдық көліктің қатысуымен болатын жол-көлік оқиғаларының 90 %-і жүргізушінің жолаушыларға билет беру үшін не ақша қайтару үшін көңілі бөлінуінің салдарынан орын алатын көрінеді. Яғни, валидатордың пайда болуы жүргізушілердің жұмысын жеңілдетіп, қауіп-қатердің санын азайтады екен. Ендігі қалғаны, жүргізушілерге шылым шегуге және телефонмен сөйлесуге тыйым салу ғана.
Комментариев: 0