Автобус жолағы Сүйінбай даңғылында қыркүйектің басында пайда болды. Бірнеше күн өткеннен кейін мегаполис тұрғындары кептелісте тұрғандарын айтып, шағымдана бастады. Бұл жағдай жүргізушілердің ашуын тудырып, олар Бақытжан Сағынтаевтың атына петиция дайындады.
Almaty.tv арнасында тікелей эфирде әкім Сүйінбайдағы кептеліске қатысты пікір білдірді. Шендінің сөзінше, автобус жолағы жолаушылар легінің 30 %-ға артуына ықпал етеді, әрі оны салу не салмау жөніндегі шешім алдын ала талдау жүргізген соң қабылданады.
— Арнайы жолақ салынған соң алғашқы кезеңде жолаушылар легі отыз пайызға артады. Жүргізушілердің кептеліске тап болатыны анық. Менің ойымша, автобус жылдам қозғалса, онымен діттеген жерге тез жету мүмкіндігі артып, автобусқа мінетіндер көбейеді. Біздің мақсатымыз да осы, бұл экологияға қатысты мәселені шешуге сеп болады, — деді Бақытжан Сағынтаев.
Комментариев: 0