Сейфуллиндегі жаңа веложолақ екі апта бұрын Абайдан Бөгенбай батырға дейін ұзарды. Бұл жүргізушілерге ұнамады. Себебі билік бірнеше жердегі тұрақты алып тастаған. Оның үстіне даңғылда кептеліс көбейіпті.
Алмалы ауданының тұрғындарымен кездескен қала басшысы мұнда бұрын да жағдай оңып тұрмағанын атап өтті. Әкімдік камера көмегімен веложолақ сызылғанға дейінгі және одан кейінгі қозғалыс қарқынын салыстырып, аса үлкен айырмашылық байқамаған. Бірақ велосипед жүретін жол бөлігін мамандар қыс бойы бақылап, көктемде оны алып тастау не қалдыру туралы нақты шешім қабылдайды.
Қоғам белсенділерінің бірі шендіден Сейфуллин бойына BRT жолағын сызу мүмкіндігі туралы сұрады. Әкім әзірше ондай жоспар жоқ екенін айтты.
Комментариев: 0