Өткен демалыста әлеуметтік желі арқылы компания шоты бұғаттаулы, сондықтан оңтүстік астанада тұрақ ақысын төлеудің қажеті жоқ деген сыбыс тарады.
Қалалық мобильділік басқармасы Kolesa.kz редакциясына тұрақтар әдеттегідей жұмыс істеп тұрғанын хабарлады. Шенділердің сөзінше бірыңғай оператор құру процесі аяқталып, директор тағайындалған. Тұрақ орындарына қызмет көрсету үшін арнайы бағдарлама әзірлеу жұмысы басталды. Бұған дейін көлік қоятын орындарға жауапты болған компаниялар қызметін жалғастырып жатыр.
Әкімдіктегілер 6 желтоқсандағы мәлімет бойынша компания шотында 596 млн теңге барын атап өтті. Ол күн сайын толығады және компания басшыларына қатысты сот процесі аяқталған соң мемлекеттік мекеме шотына аударылады.
Шоттардың бұғатталғанына қатысты сұраққа басқарма өкілдері A-Parking шотынан ақша алуға болмайтынын, бірақ оны толтыруға тыйым салынбағанын айтты. Жеті ай бойы компания көлік иелерінен төлем қабылдап, тексеріп қана қоймай, жүргізушілерге айыппұл салып жатыр екен.
Алайда ақы төленгенін тексеретін аппараты бар көліктердің көзге түспегеніне жарты жылдан асты. Ал қала тұрғындарының ақшасы жартылай бұғатталған шоттарға түсіп жатыр. Мұның бәрі күдік тудырады, Kolesa.kz редакциясы жауапты мекеме басшылары көлік иелерінен түскен ақшаның қайда және қалай жұмсалғаны туралы егжей-тегжейлі есеп береді деп үміттенеді.
Комментариев: 0