Автокөлікпен ұзақ сапарға шығу жайлы ойланғандар аз емес болар. Дәл осы мақсатқа арналған көліктердің алуан түрі бар, енді олардың саны тағы біреуімен толықты. Австралиялық EarthCruiser Overland Vehicles Pty. Ltd компаниясы Escape деп аталатын кемперді жасапты.
Автокөліктің негізінде 184 аттың күші мен 400 Нм айналу сәтін беретін дизельді моторы бар қарапайым W461 Professional (ол әлі күнге дейін шығарылады) жатыр. Көлік 5 сатылы автоматты беріліс қорабымен және барлық үш дифференциалды бұғаттайтын стандартты толық жетекті жүйемен агрегатталған. Сонымен қатар отын сақтуға арналған 250 литрлік резервуар мен екі шығыр орнатылған.
Кемпердің өзі өркениеттен тыс өмір сүру үшін қажеттінің бәрімен жабдықталған. Мұнда шағын ас бөлмесі, тоңазытқыш, үстел мен бірнеше орындықтар және үш адамға арналған кішігірім демалатын орын бар. Сондай-ақ, көлікке салқындатқыш, жерсеріктік навигация жүйесі, сыртты бақылауға арналған бес камера және Wi-Fi орнатылған.
Мұндай мобильді үйді дайындау үшін 221 мың еуро көлемінде қаражат жұмсауға тура келеді. Бұл соманың үштен бірі дизельді геликтің өзін алуға кетеді екен.
Комментариев: 0