Әлемдегі ең қымбат Porsche 918 Spyder

Porsche супергибрид 918 Spyder-дың 918 данасын шығарған. 656-ншы модель арнайы тапсырыс бойынша жасалған, қосымша опциялардан бөлек, спайдердің шанағы мен салоны ерекше әрленді. Жақында RM Sotheby’s аукционында модель 3 937 500 долларға өтті.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

918 Spyder супергибридінің жаңасы АҚШ-та кем дегенде 845 мың доллар тұрды. Бұл темір тұлпар иесіне шамамен 200 мыңға қымбат түсті, оның жартысы дизайнерлік ерекшеліктеріне жұмсалды. Автомобильдің шанағы ақ түстің бірегей реңкіне боялған, ал салонын Porsche Exclusive Manufaktur бөлімшесі қою көк былғары, карбон ендірме және ақ акцентті қолданып яхта стилінде қаптады. Суперкармен берілетін жүксалғыштағы сөмке жинағының дизайны да салонға ұқсайды.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Porsche 918 Spyder магний дөңгелек (олар да ақ түсті) пен артқы антиқанат, жылдамдық бәсеңдеткіштен өтуге арналған алдыңғы осьті көтеру жүйесі және бірқатар кішігірім жақсартуды қамтитын опциялық Weissach пакетімен жабдықталды.

2015 жылы суперкарға миллион доллардан астам ақша төлеген иесі оны жүргізбепті. Porsche 918 Spyder коллекциялық машина саналады. Аукционға 20 шақырымнан аз жүрген күйде шықты. 918 Spyder жасалып жатқанда әлемнің ең ғажайып суперкары болды. 4.6 литрлік V8 бен екі электрлі мотордан тұратын күштік құрылымы 887 ат күшіне ие (1280 Нм), бұл алғашқы жүздікті 2.6 секундта еңсеруге мүмкіндік береді. Максимал жылдамдығы — 345 шақырым.