ҚР ІІМ басшысының айтуынша, даңғыл бойымен сағатына 80 шақырымға дейінгі жылдамдықпен қозғалуға соңғы 15 жылда рұқсат етілді.
«Менің білуімше қазір қалалық әкімдік жылдамдықты 60 шақырымға дейін төмендету мәселесін қарастырып жатыр. Соңғы шешімді жергілікті атқарушы орган жүктемені және автомобиль көлігі басқармасының ұсынысын ескере отырып қабылдайды», — деді министр.
Айта кетейік, Алматы билігі 2018 жылы Әл-Фараби даңғылында жылдамдықты сағатына 60 шақырымға дейін шектеді, әрі бұл шара жолдағы адам өлімін азайту мақсатында қабылданғанын айтты. Бірақ шенділердің Шығыс айналма жолы, Әл-Фараби даңғылы мен Саин көшесіне қатысты шешімі жұмсарта айтқанда асыра сілтеу болатын. Қала тұрғындары бір жыл бойы бұған қарсылық танытты. Ақыры 2019 жылы тамызда әкімдік 80 км/сағ жылдамдыққа қайта рұқсат берді. Бұл ереже Шығыс айналма жолы, Әл-Фараби мен Саин көшесінде әлі сақталып келеді. Оның үстіне аталған жолдарда мұндай жылдамдықпен жүруді Ішкі істер министрі Е.Тұрғымбаев мақұлдаған.
Оңтүстік астанадағы шенділер министрдің мәлімдемесіне қатысты пікір білдірді. Әкімдіктің баспасөз қызметі «Әл-Фараби даңғылындағы қозғалыс режимін 80-нен 60-қа дейін шектеу мәселесін Алматы әкімдігі қарастырып жатқан жоқ» — деп, бұл ақпараттың қайдан шыққанын ҚР ІІМ баспасөз қызметінен сұрауға кеңес берді.
Комментариев: 0