Әйнегінде арнайы жапсырмасы жоқ газбен жүретін көлік жанармай бекетіне кіре алмауы мүмкін

Энергетика министрлігі газбен жабдықтау туралы заңға енетін түзетулер дайындады. Жоба авторлары тиіс белгісі жоқ, сондай-ақ ішкі істер органдарында тіркелмеген көлік құралына сұйытылған мұнай газын құюға тыйым салуды ұсынды.

Сонымен қатар мынадай шектеу енгізу жоспарда бар:

• көлік құралын автогаз бекетінен тыс жерде сұйытылған мұнай газымен толтыруға тыйым салу;
• автогаз тасығыштан тұрмыстық баллон мен көлік құралы үшін сұйытылған мұнай газ алуға тыйым салу;
• он мыңнан астам тұрғыны бар елді мекенде сұйытылған мұнай газын модульді және жерүсті баллоны бар стационарлық автогаз бекетінде сатуға тыйым салу.

Соңғы тармақты ерекше атап өту керек. Қазір қала және ауылдарда автогаз бекетін қою құрылыс және санитарлық нормалар арқылы реттеледі. Онда жанармай құятын станция мен тұрғын үй арасындағы қашықтық қана көрсетіліп, қауіпсіздікке қатысты бірнеше талап белгіленген. Сол себепті батыс аймақта модульді газ бекетін көптеп кездестіруге болады. Энергетика министрлігі мұндай бекеттерді ірі елді мекендерден толығымен алып тастауды көздеп отыр.

Бұл туралы не ойлайсыз?