Қазақстанда автомобильге арналған кез келген нөмірді дайындау биыл қаңтарда, жаңа Салық кодексі күшіне енген соң басталды. Бұл қызметке сұраныс жоғары, жаңа жылдың алғашқы
Шын мәнінде жүргізушілерден қанша тапсырыс түсіп, қаншасы жаңа нөмір алды? Шынайы көрсеткіш желіде тараған ақпараттан әлдеқайда аз. Дегенмен бұл қызмет бойынша рекорд жаңарды.
Нөмір белгісін дайындауға жауапты ҚР ІІМ «Ақпараттық-өндірістік орталық» мемлекеттік кәсіпорны Kolesa.kz редакциясына хабарлағандай, 20 қаңтарға дейін 66 339 өтінім түскен. Компания сол күнге дейін 62 852 нөмір дайындады. Ал 3487 өтінім кері қайтарылған. Оның екі себебі бар: өтінім беруші өзі бас тартқан немесе баж салығын төленбегендіктен, тапсырыс автоматты түрде қабылданбайды.
Өтінім мен берілген нөмір саны бойынша көшбасшы өңірлер:
- Алматы — 15 265 өтінім түскен, бұл жалпы тапсырыстың төрттен біріне жуығы;
- Шымкент — 7555;
- Астана — 7162;
- Маңғыстау облысы — 4777;
- Жамбыл облысы — 4083.
Тапсырыспен мемлекеттік нөмір алуға Ұлытау облысының тұрғындары аса қызықпапты. Бұл аймақтан небәрі 553 өтінім түскен.
Ерекше нөмірге тапсырыс берген тұрғындардың саны бойынша облыстардың тізімі
| Аймақ | Жалпы өтінім саны | Қабылданбаған өтінім саны | Дайын/дайындалып жатқан нөмір саны |
| Ақмола обл. | 715 | 30 | 685 |
| Ақтөбе обл. | 2308 | 99 | 2209 |
| Алматы обл. | 1248 | 143 | 1105 |
| Атырау обл. | 2869 | 100 | 2769 |
| ШҚО | 1198 | 68 | 1130 |
| Алматы қ-сы | 15 265 | 730 | 14535 |
| Астана қ-сы | 7162 | 292 | 6870 |
| Шымкент қ-сы | 7555 | 449 | 7106 |
| Жамбыл обл. | 4083 | 211 | 3872 |
| БҚО | 2541 | 104 | 2437 |
| Қарағанды обл. | 2805 | 168 | 2637 |
| Қостанай обл. | 1599 | 95 | 1504 |
| Қызылорда обл. | 3398 | 195 | 3203 |
| Маңғыстау обл. | 4777 | 249 | 4528 |
| Абай обл. | 1214 | 37 | 1177 |
| Жетісу обл. | 1937 | 37 | 1177 |
| Ұлытау обл. | 553 | 47 | 506 |
| Павлодар обл. | 1718 | 109 | 1609 |
| СҚО | 905 | 47 | 858 |
| Түркістан обл. | 2489 | 164 | 2325 |
| Қорытынды | 66 339 | 3487 | 62 852 |
Қай өңірдің тұрғындары ерекше нөмірге көбірек қызығатынын анықтау үшін сол жақта тіркелген автомобиль саны (2026 жылы 1 қаңтардағы дерек) мен осы жолы берілген мемлекеттік нөмір санын салыстыру керек.
- Алматыда 620 367 автомобиль бар, 15 265 өтінім түсті, яғни жүргізушілердің 2.46 %-ы ерекше нөмір алуға асыққан;
- Шымкент — 282 808 машина және 7555 өтінім — 2.67 %;
- Астана — 397 967 және 7162 — 1.8 %;
- Маңғыстау облысы — 153 627 және 4777 — 3.11 %;
- Жамбыл облысы — 266 911 және 4083 — 1.53 %.
Сонымен бұл тізімде Маңғыстаудағы көлік иелері көш бастады. Ал Астана тұрғындары салыстырмалы түрде қарапайым екені байқалды.
Комментариев: 0