Acura ерекше Nexera Vision купесін көрсетті

Honda-ның люкс бөлімшесі өзінің 40 жылдығына орай Nexera Vision деп аталатын ерекше спорткупе жасады. Марка оны Монтерейдегі автомобиль апталығында жұртқа таныстырады.

Шоукарды Acura-ның Лос-Анджелестегі дизайн-студиясы әзірлеген, жаңа өнім осы бағыттағы бұған дейінгі концептілердің жалғасы болады. Олар — 2004 жылғы Honda Sports Concept, 2007 жылғы Acura Advanced Sports Car Concept және кейін сериялық гибрид суперкарға айналған 2012 жылғы NSX Concept.

Nexera Vision өте ерекше көрінеді. Көлбеу капоты мен сүйір алдыңғы бөлігі үйлесім тапқан төмен профильді шанағы күңгірт титан-күміс түстес. Nexera Vision белсенді артқы спойлер және қосылған кезде ғана көрінетін жасырын оптикасымен де ерекшеленеді.

1 / 7

• 
• 
• 
• 
• 
• 
• 

1 / 7

«Көбелек қанаты» сияқты есігі төбенің бір бөлігімен бірге жоғары қарай ашылғанда үлкен кеңістік пайда болып, адам кокпитке оңай кіріп, штурвалға отыра алады. Карбон қаңқасы бар орындық еденге берік бекітілген, сол себепті рөл мен педаль бөлігі жылжымалы. Физикалық батырма өте аз, ал кең форматты экран геймерлерге ұнайтын ойыс пішінде жасалған.

1 / 5

• 
• 
• 
• 
• 

1 / 5

Күштік құрылымы туралы айтудың қажеті жоқ, өйткені Nexera Vision радио арқылы басқарылатын шағын электромоторлы макет қана. Оны электромобиль деуге болады.

Концепт тек Acura-ның жаңа фирмалық стилін көрсетуге арналған. Ал ойыс тачскрин, А пішінді өрнегі бар шам және басқа дизайнерлік шешімдерді марка болашақта шығатын машиналарына (спорткарларға ғана емес) орнатады.