9.5 млн теңге тұратын Mercedes-Benz E 280 (W124)

Соңғы кездері W124 шанағындағы Mercedes-Benz E-Class жолда бұрынғыдан қарағанда сирек кездеседі, бірақ хабарландыру саны әлі көп. Kolesa.kz сайтында 2.8 мыңнан астам хабарландыру бар. Нарықтағы ең қымбаты E 500 болса, қазір оған 1994 жылғы E 280 қосылды, иесі оны 9.5 миллион теңгеге сатқысы келеді.

Сипаттамада көліктің жағдайы керемет және шынайы жанкүйерлерге арналған деп жазылған. Седан қалпына келтіру жұмыстарының арқасында емес, сапалы қызмет көрсеткендіктен жақсы сақталған. Иесі шам деңгейін реттегіш те жұмыс істейтінін және 90 % бояуы сақталғанын атап өтті. E 280 Қазақстанға 2005 жылы келген.

1 / 10

• 
• 
• 
• 
• 
• 
• 
• 
• 
• 

1 / 10

Хабарландыруда седанның қанша жүргені көрсетілмеген, бірақ суреттерде одометрі 340 мыңдай шақырым көрсетіп тұрғанын көруге болады.

Жаңадан шыққанда көлікке 2.8 литрлік M104 моторы орнатылды. 200-дей ат күші мен 270 Нм айналу моменті артқы дөңгелектерге автомат қорап арқылы беріледі.

Анықтама: Mercedes-Benz E-Class (W124) 1986-1996 жылдары Германияда және Мексика, Индонезия, Оңтүстік Африка және Үндістан сияқты елдерде шыққан. Өндірістің барлық кезеңінде седан, купе, кабриолет және универсал шанағында 2.6 миллионнан астам көлік жасалған.