Бағдат Мусинның айтуынша қазір елдегі тас жолдардың 25 %-ында ғана интернет қосылған, ал 86 %-ы ұялы байланыспен қамтылған.
«2027 жылға дейін жолдар 100 % интернет және ұялы байланыспен қамтылады. Іс-шара „Қолжетімді интернет“ ұлттық жобасы аясында операторларға берілген салық преференциясы мен олардың инвестициясы негізінде қаржыландырылып, республикалық және жергілікті бюджет есебінен толықтырылады», — деді министр үкімет отырысында. Сондай-ақ ол алдағы бес жылда елді мекендерде ұялы байланыс жақсаратынын айтты.
«Әлемде мыс кабель мен 3G технологиясы ескіргенін назарға ала отырып, 2027 жылға дейін оны толық ауыстырамыз. Сондай-ақ 4G мобильді технологиясы 100 %-ға, оптика инфрақұрылымы 90 %-ға жетеді. 2027 жылға дейін 5G технологиясының үлесі Астана, Алматы және Шымкентте — 75 %, облыс орталықтарында 60 % болады», — деді Б. Мусин. Ол қазір елімізде 3 мыңнан аса елді мекен 3G мобильді интернетімен, 1628 ауыл 4G-мен қамтығанын, ал 5G әлі ешбір елді мекенге жетпегенін айтты.
Министр айтқан 3000 елді мекенде 3G интернеті нашар жұмыс істеп тұрғанын көпшілік жақсы біледі. Ал 4G телефонды әлсіз байланыс арнасына ауыстырып, жиі істен шығады, мұндайда тіпті мессенджерден мәтінді хабарлама жіберу қиын. Бұл жағдай Алматы сияқты ірі қаланың өзінде жиі кездеседі, мұндайда ауылдағы жолдар жайлы айтудың өзі артық. Оның үстіне кейінгі екі жылда ұялы байланыс сапасы нашарлап кетті. Мусин айтқан уақытта жағдай түзелер ме екен?
Комментариев: 0