«Алматы спецтехпаркинг сервис» ЖШС республикалық референдум өтетін күні көлік иелеріне жеңілдік жасау туралы шешім қабылдапты. Жүргізушілер жол бойындағы ақылы тұрақтарды тегін пайдаланады.
Шлагбаум орнатылған тұрақтарға қатысты ақпарат жоқ. Сондықтан барахолка мен кейбір бизнес орталықтағы көлік қоятын орындар үшін ақша төлеуге тура келетін сияқты.
Біраз уақыт бұрын мегаполистегі ақылы тұраққа жауапты компания басшылары аса ірі көлемде ақша жымқырды деген күдікпен тұтқындалған. Қазір әкімдік бірыңғай оператор құрып жатыр. Процесс биыл 1 тамызда аяқталуға тиіс. Айта кетерлігі, шенділер Алматыдағы тұрақтарды жекешелендіруге болатын нысандар тізіміне қоспақ болды. Алайда Kolesa.kz қала билігінен бұл әрекетін түсіндіруді сұрағанда, оларды тізімнен алып тастады.
Комментариев: 0