«Борышкер» операциясы үш күнге жалғасады. Әділет департаментінің мемлекеттік орындаушылары мен сот орындаушылары прокурорлармен және полицейлермен біріге отырып, айыппұлдан жалтарғандарды анықтауда. Мемлекеттік нөмірді оқитын аппараттар мегаполиске кіреберістегі экологиялық бекеттерге орнатылды. Кеше «Поток-М» кешені орнатылған машина «Мерке» бекеті арқылы өтіп жатқан көліктерді бақылады. Тексерушілер 4 сағат ішінде айыппұлдан жалтарғандарға тиесілі 27 көлікті айып тұрағына жіберді.
Алматы қалалық Әділет департаментінің баспасөз қызметі хабарлағандай, негізінен бірнеше әкімшілік ережені бұзғаны үшін айып тағылғандардың көлігі тәркіленіп жатыр. Мысалы, кеше тексерушілер бір миллион теңгеден аса қарызын қайтармай жүрген азаматты тоқтатты. Департамент қызметкерлерінің айтуынша, тәркіленген мүлік оның иесі қарызын толық өтегеннен кейін қайтарылады.
Естеріңізге сала кетейік, қазіргі таңда ереже бұзғандардың салынған айыппұлдың тек жартысын төлеу мүмкіндігі бар, ол үшін айыппұл сомасын ескерту алған сәттен бастап жеті жұмыс күні ішінде төлеу қажет. Қарызыңыздың бар-жоғын Kolesa.kz мобильді қосымшасы арқылы біліп, бірден төлем жасауға болады.
Комментариев: 0