АҚШ-тағы ең ірі AT&T телекоммуникация компаниясы 22 ақпаннан бастап 3G ұялы байланыс желісіне қолдау көрсетпейді. Демек ақпараттық ойын-сауық жүйесі қазіргі 4G желісінде осы байланыс стандартымен жұмыс істейтін машиналар енді онлайн қызмет ала алмайды. Атап айтқанда, навигациялық карта деректері, SOS батырмасы, смартфонға қосылу мүмкіндігі және Wi-Fi модулі қолжетімсіз болады.
The Drive басылымының хабарлауынша, 3G өшірілгеннен кейін Audi, Lincoln, Porsche, Bentley, BMW, Acura секілді қымбат маркалардың кейінгі жылдары шыққан 100-ден аса моделі зардап шекті, тіпті жаңа шыққан модельдерге де әсер етті, бұл қатарда 2022 жылғы Honda Pilot бар.
Осыған байланысты 2015 жылға дейін шығарылған Tesla Model S электромобилі ақпараттық сервиспен қатар, АҚШ аумағында бағдарламалық жасақтаманы жүйелі түрде жаңартып отыру мүмкіндігінен де айырылды.
Автоөндірушілер қазір істен шыққан функцияларды қайта қалпына келтіруге тырысып жатыр. GM мен Honda зардап шеккен кейбір модельге сымсыз жаңарту ұсынды. AT&T комапаниясынан кейін биыл Mobile (Sprint) және Verizon секілді өзге операторлар да 3G-ге қолдау көрсетуді тоқтатады.
Комментариев: 0