Америкалық аукцион порталдардың бірі ерекше Land Cruiser 80-ді сатуға дайындалып жатыр. Сырттай қарағанда оның өзге «сексендіктерден» көп айырмашылығы жоқ. Тіпті машинаны жақсарту үшін орнатылған жолсызбен жүруге арналған дөңгелек, әдемі дискілер, шағын лифт, жүк салғыш есігіндегі қосалқы дөңгелек пен канистр де көзге таныс көрінеді.
Салоны жаңа орындықтармен, есік картасымен және рөлімен назар аудартады. Олардың бәрі қара былғарымен қапталған. Алдыңғы орындықтарды электрлі реттеуге және жылытуға болады. Ортаңғы консольде қосымша жарықты басқаруға арналған панель бар, ал сәл жоғарыда Apple CarPlay және Android Auto-мен жұмыс істейтін Pioneer қондырғысы тұр.
1995 жылғы Land Cruiser 185 мың долларға сатылды. Машинаға қызығушылық тудыратын бірінші себеп — одометр көрсеткіші. Құрылғы небәрі 6.2 мың миля көрсетіп тұр. Бірақ бұл жол талғамайтын көліктің нақты жүріп өткен жолы емес. 2018 жылы Калифорниядағы TLC 4×4 ательесінде автокөлікті қалпына келтіргеннен кейін одометр қайта нөлге түскен.
TLC 4×4 шеберлері Land Cruiser-ді толығымен бөлшектеп, шанақ пен раманы барлық проблемадан арылтты, содан кейін аздаған өзгеріс енгізе отырып, қайта құрастырып шықты. Стандартты аспаның орнына Old Man Emu, Fox Racing, және Slee Offroad компоненттері орнатылып, DBA тежегіш дискілері қойылды.
Бірақ ең басты тосын сый капот астында. Жол талғамайтын көлік әу бастағы өз моторымен емес, 6.2 литрлік V8 LS3 қозғалтқышымен жүреді, ол 4 сатылы автоматпен (4L65E) жұптаса жұмыс істейді.
Комментариев: 0