Nismo тюнинг-ательесі Skyline GT-R R33 негізінде жасалған Nismo 400R немесе Nissan Skyline GT-R Nismo Z-Tune секілді маңызды жобаларының арқасында жапон көліктерінің көптеген жанкүйеріне жақсы таныс. Бірақ 1994 жылы 30 данасы ғана шыққан Nismo 270R моделі туралы білетіндер көп емес.
270R — S14 шанағындағы артқы жетекті екі есікті Silvia-ның зауыт тюнерлері жетілдірген нұсқасы. Машина Edge фирмалық бастырығы, 17 дюймдік дөңгелек, қосымша желдету жүйесі және шанағындағы модель атауы жазылған жапсырмамен ерекшеленеді.
Салонда өзгеше орындық қаптамасы, 5 сатылы механикалық қорап иінтірегінің фирмалық тұтқасы, Nismo рөлі мен фирмалық аспаптар панелі бар.
Техникалық жағы да жақсартылған. Стандартты 2 литрлік SR20DET турбомоторының қуаты 220-дан 270 ат күшіне дейін артты (атауы сол үшін 270R). Инженерлер LSD орнатып, спорттық сипат қосу үшін амортизаторын ауыстырды.
Сирек кездесетін Silvia 1994 жылдан бері 128 мың шақырым жол жүрген. Машина Гонконгта тұр. Сатушының айтуынша, бұл 30 данасы ғана шыққан купенің 29-сы. 270R қаншаға сатылатыны қазірше белгісіз. Бәс сауда басталғалы бір тәулік болған жоқ, ал баға 10 000 доллардан 42 250 долларға өсті.
Комментариев: 0