Гамбургте 1 249 500 еуро (613 млн теңге) тұратын BMW 3.0 CSL купесі саудаға шықты. 2022 жылғы бұл жоба 1970 жылдардағы индексі бір әйгілі модельді қайталайды. Көліктің 50 данасы ғана бар. Жаңа машинаның зауыттан шыққан бағасы 605 мың еуроға дейін жеткен. Гамбургтық экземпляр жүрген болса да екі есе қымбат бағаланды.
Жаңа 3.0 CSL M4-тің платформасына негізделген. Донордан ерекшелігі — толықтай кеңейген дөңгелек аркасы бар ерекше дизайн және артқы жағындағы екі деңгейлі аэродинамикалық тіреуіш. Екі спойлері де, өзіндік шанақ бояуы да түпнұсқа
Құрылымындағы карбон мен титанның арқасында машина салмағы 1.7 тонна болды. Автомобиль 560 ат күшін (550 Нм) беретін 3 литрлік мотордың қуатты нұсқасымен жүреді. Қозғалтқышы 6 сатылы механикалық қораппен және артқы жетекпен жұптасқан. Ең жоғары жылдамдығы сағатына 300 шақырымға жетеді.
Саудаға шыққан автомобиль инвестиция ретінде сатып алынса керек. BMW алғаш рет былтыр жазда тіркелген, сол уақыттан бері 25 шақырым ғана жүрген. Бұл модельді алып-сататындар арасындағы фактілерді ескерсек, Гамбургтағы дилердің берген бағасы ақылға қонымды көрінеді.
Комментариев: 0