La Voiture Noir деп аталатын әйгілі Bugatti Type 57 SC Atlantic көшірмесі RM Sotheby’s аукционында сатылады. Танымал модель Екінші дүниежүзілік соғыс кезінде жоғалып кеткен, бірақ инженер Эрик Кукс көлікті қайта тірілтті. Күнделікті жүргізуге жарамды көшірме 900 мың долларға бағаланып отыр.
1930 жылдардың екінші жартысында компания Жан Бугаттидің жобасы бойынша Type 57 шассиінде төрт қана Atlantic купе жасаған. Бугатти жүргізген екінші көлік нацистер басып кіргенде Францияда болды.
Иелері елден қашып үлгерген, ал спорткар қалып қалды. Жан Бугатти өзінің ең мінсіз туындысы деп атаған машинаның тағдыры белгісіз. Мамандар La Voiture Noir табылса, автоматты түрде әлемдегі ең қымбат сирек кездесетін көлікке айналады деп мәлімдеген.
1980 жылдардың аяғында голландиялық коллекционер Bugatti-дің көшірмесіне тапсырыс берген. Сол кездері Эрик Кукс автомобильдің ұсақ-түйегіне дейін мән беріп, жұмысын ерекше ынтамен жасайтындығы арқасында танымал болды. Ол негіз ретінде Bugatti Type 57 Galibier шассиін пайдаланды және жобаны тек 1992 жылы аяқтап, жұмыстың басым бөлігін қолмен жасады.
Тапсырыс беруші машинаны 2008 жылы сатқанға дейін көп пайдаланған. Сатушылар купе 40 мың шақырымдай жол жүргенін, иесі көлікті жөндеу қымбат болғандықтан ғана сатқанын атап өтті. Қазір реплика Таяу Шығыста.
2019 жылы Bugatti өз тарихының осы бөліміне назар аударып, Chiron негізіндегі La Voiture Noir-ды таныстырды. Бренд 1500 ат күшін беретін моторы бар гиперкардың шанағын түпнұсқаға ұқсатып жасады және дебют кезінде ол әлемдегі ең қымбат жаңа автомобиль болды.
Комментариев: 0