Құжатқа сай алдағы төрт жылда (2022-2026 жылдар) Төле би көшесін Яссауиден қала шекарасына дейін ұзарту жоспарланып отыр. Құрылыс Әшімов көшесіне дейін және одан батысқа қарай жүргізіледі.
Жоспар бойынша 2023 жылы Қажымұқан көшесін Назарбаевтан Сейфуллинге дейін ұзарту жұмысы басталады. Бұл іс 2026 жылы аяқталады.
2024 жылы құрылыс жұмыстары қызайын деп тұр! Сол жылы Рысқұлов даңғылын Оңғарсынова көшесінен Алғабас, Теректі, Кемертоған арқылы қала шекарасына дейін ұзарту басталады. Ол 2029 жылы аяқталуға тиіс.
2024 жылы Тілендиев көшесін Рысқұловтан қала шекарасына дейін ұзарту (2030 жылы аяқталады) және Солтүстік айналманы қала шекарасына дейін созу (2027 жылы аяқталады) жұмысы басталады.
2024 жылы мына көшелерде де құрылыс басталады:
Жұбанов көшесі Момышұлынан қала шекарасына дейін (2028 жылы аяқталады);
Мұқанов көшесі Райымбектен Мақатаевқа дейін (2028 жылы аяқталады);
Райымбек даңғылы Жетісу көшесінен Талғар тас жолына дейін (2030 жылы аяқталады. Шығыс айналма жолға дейін болу керек. — Kolesa.kz ескерт.);
Хмельницкий көшесі Жас қанат ықшамауданынан Талғар тас жолына дейін (2028 жылы аяқталады).
Сонымен қатар әкімдік 2024 жылға қарай Саин мен Мөңке би қиылысына жолайрық салуды жоспарлап отыр. 2025 жылы қала шетіндегі бірнеше шағынауданда жол салынады. Ал 2030 жылы метрополитеннің «Қалқаман» бекетінен «Барлыққа» дейінгі желісі іске қосылады.
Комментариев: 0