ҚР Өнеркәсіп және құрылыс министрлігі техбайқау алдында газбаллон орнатқан көлікті тексеруді уақытша тоқтату туралы заң жобасын дайындады. Жоба авторлары бұндай көліктерді 2025 жылдың 1 қаңтарына дейін жалпы негізде техникалық байқаудан өткізуді ұсынды.
Министрлік өкілдерінің сөзінше газбаллонды мерзімді тексеретін мекеме тапшы болғандықтан, тұрғындар көлігін тексеруден өткізе алмайды екен. Осыған байланысты елімізде арнайы зертхана көбеймей, техбайқау алдында газбаллон тексеруді уақытша тоқтата тұру керек.
Қазір заң бойынша иесі көлікті техбайқаудан өткізбей тұрып сертификаты бар зертханаға барып, газбаллон құрылғысын тексертуге тиіс. Кейін өзгерістерді жөндеу кезінде (редуктор немесе баллонды ауыстырғанын) белгілеп, мерзімді сынақтан өткені туралы сертификатпен техбайқауға барады. Техникалық байқауда газбаллон құрылғысы мен сертификаттағы нөмірді салыстырады.
Сынақ зертханалары жетпей жатқандықтан, биыл 1 шілдеде бұл норманы тоқтатып қойған еді.
ТЖМ қызметкерлерінің сөзіне сенсек, ел аумағында көлік өрті жиілеген. Астананың өзінде биыл 140 өрт жағдайы тіркеліпті. Бұл былтыр осы уақытпен салыстырғанда 40 % көп.
Комментариев: 0