Ward’s Auto басылымы топ-10 авто интерьерінің рейтингін жариялады. Екінші жыл қатарынан сарапшылар салонның сапалы және ыңғайлы болуына ғана емес, жүргізуші мен жолаушылар пайдаланатын интерфейстің қалай жасалғанына назар аударып отыр. Бұрын интерьер және UX-дизайн рейтингі бөлек жарияланатын.
Үздіктер қатарынан қолжетімді Toyota Prius, Acura Integra модельдерін, сонымен қоса GMC Hummer EV, Range Rover мен BMW i7 сияқты қымбат көліктерді таба аласыз.
Сынақ қорытындысы бойынша BMW i7, Cadillac Lyric, Ford F-150 Lightning, Genesis GV60, GMC Hummer, Hyundai Palisade, Jeep Wagoneer L, Kia Sportage Hybrid, Range Rover және Nissan Ariya үздіктер тізіміне енді.
Он көліктің алтауы электрокар, біреуі гибрид. Арасында үш модель дәстүрлі қозғалтқышпен жүреді. Ал жеңімпаз BMW i7 кроссовер де емес, жол талғамайтын көлікке де жатпайды.
Қазір өндірушілер электромобильдің күштік құрылымын ғана емес, интерьерін жобалағанда да озық технологиялар қолданатынын атап өткен жөн. Рейтинг авторлары автоөндірушілер медиажүйені смартфонмен біріктіру, дауыс тану жүйелерін жетілдіру және сәлемдесу анимациясы, амбиент шамдар секілді дүниелерді қолдану арқылы табысқа жетіп жатқанын атап өтті.
Комментариев: 0