Кеше Қасым-Жомарт Тоқаев Қазақстанға 2022 жылғы 1 қыркүйекке дейін келген шетелдік көліктерді заңдастыруды ұсынған еді, бүгін Мемлекеттік кірістер комитеті тұрғындар қанша машина әкелгенін хабарлады.
МКК мәліметі бойынша 2019 жылдың басынан 2022 жылғы шілдеге дейін 121 829 автомобиль уақытша әкелу шартымен Қазақстан аумағына кірді. Бұл былтыр ресми дилерлер сатқан көлік санынан (117 590 дана) сәл көп.
Комитет ЕЭО-ға мүше емес елден келетін көлік шетелдік тауар деп саналатынын әрі ол кедендік бақылаудан өтетінін мәлімдеді. Демек оларды тиісті төлемдерді толық төлеп, кедендік рәсімдеуден өткен соң ғана Қазақстанда пайдалануға болады. Мұндай машиналардың елде уақытша жүру мерзімі бір жыл ғана, одан кейін көлік Қазақстан аумағынан шығуы керек.
Комментариев: 0