Сервистік кампания жариялауға капот құлпынан шыққан ақау себеп болды. Ресми құжатта құрылғыны кір мен шаң басып, құлып толық бекітілмей қалуы мүмкін екені айтылған. Салдарынан капот жолда ашылып кету қаупі бар.
Сервиске 323 мыңға жуық машина шақырылады, бірақ Nissan мамандары кампания жалпы кроссовердің шамамен 0.44 %-ын қамтитынын айтады.
Бастапқыда көліктер іріктеп шақырылады. Жақында АҚШ-тағы 40 000 Pathfinder иесі хабарландыру алады. Инженерлер осы машиналарды тексеріп, нақты жағдайды анықтайды және сервистік кампанияның барысын белгілейді.
Өзге кроссовер иелері де назардан тыс қалмайды. 2022 жылғы 3 тамызға дейін компания оларға механизмді өзі тексеретін нұсқаулық жазылған хат жібереді. Егер жүргізуші құлыпты өзі ашқысы келмесе, кез келген дилерлік орталыққа барса болады. Бөлшекті тексеруге және қажет болса ауыстыруға ақы алынбайды. Сондай-ақ компания кері шақыру басталғанға дейін құлыпты жөндетіп алған тұтынушылардың шығынын өтеп береді.
Комментариев: 0