Қала әкімдігі хабарлағандай, ұзартылып жатқан жол бөлігіне асфальтбетон төсеу үшін 20 мамыр сағат 23:00-ден 23 мамыр сағат 16:00-ге дейін Абай даңғылының Алатаудан Строительная көшесіне дейін бөлігі жабылады. Қозғалыс шектелген бөлікті Алатау бойымен оңтүстік және солтүстік бағытта айналып өтуге болады.
Ал 22 мамыр сағат 23:00-ден 27 мамыр сағат 16:00-ге дейін даңғылдың Қ. Медеубеков көшесімен (Карьерная) қиылысатын жерінде қозғалыс шектеледі. Жабылған бөлікті Қараманов, Грушовая, Виноградов көшелері бойымен оңтүстік жағынан, Строительная көшесімен солтүстік және оңтүстік жағынан айналып өте аласыз.
Әкімдік биыл Абай даңғылын қала шекарасына дейін ұзартып, көлік жүруіне рұқсат беруді жоспарлап отыр. Қазір қалған 600 метр бөлікте жұмыс жүріп жатыр, ұзаратын жолдың жалпы ұзындығы — 5.3 километр.
Комментариев: 0