Алматыдағы Абай даңғылын ұзарту жұмыстары аяқталды

Алматыдағы Абай даңғылын ұзарту жұмыстары аяқталды

Жолдың қалған алты жүз метрі ашылды.

Қалалық мобильділік басқармасы хабарлағандай, 30 мамырда Строительная көшесінен қала шетіне дейінгі соңғы бөлікте көлік қозғалысы іске қосылды. Қазір мамандар даңғылдың батыс жағында тротуар, веложолақ пен қосалқы жолдар салып, айналасында абаттандыру жұмыстарын жасап жатыр.

Б. Момышұлы көшесінен басталатын Абай даңғылының ұзындығы — 5.3 км. Жолшылар жоба аясында 6 жолақты жол, Қарғалы өзені арқылы өтетін көпір, Әшімов көшесімен қиылыстағы жолайрық, 6 жерүсті жаяу жүргіншілер өткелі және 4 бағдаршам салды.

Жаңа бөлік оңтүстік астанаға батыс жақтан келетін жүргізушілер үшін қозғалысты жеңілдетуге тиіс.

Бұдан бөлек, Алматыда Рысқұлов даңғылы мен Саин, Солтүстік айналым және Тілендиев көшелерін ұзарту жұмыстары жүріп жатыр.

Комментариев: 0

Чтобы оставить комментарий, вам необходимо зарегистрироваться или авторизоваться.