Электр күшімен қозғалатын коммерциялық көлік қалада жоғары сұранысқа ие болады. Бұл тенденция Қырғызстан шеберлерін де толғандырып, біраз уақыт бұрын көрші елде 700 кг жүк көтеретін шағын Nimble шығарыла бастады.
Украиналық компания да соған ұқсас машина өндіруді көздеп отыр. Өткен жазда Кривой Рог қаласында электрлі жүк көлігінің прототипі сынақтан өтті. Рамалы шассиге негізделген техника 1.5-2.5 тонна жүк таси алады, ал жүріс қоры 200-300 шақырымға жетеді.
Прототиптің көркі көз тартады деп айту қиын. Негізі ол жобалық рендерге сай жасалуы керек.
LCV алдыңғы және толық жетекпен шығарылады, электрлі моторлар 161 ат күші мен 250 Нм момент береді, ал максимал жылдамдығы — 90 км/сағ. Литий-ион-фосфатты батареялар блогы қуаты 4 кВт·сағ шағын батареялардан тұрады.
Coolon Motors келер жылы 2000 электромобиль құрастырып, өндіріс қарқынын жылына 20 000 машинаға арттыруға ниетті. Компания 16 мың доллар тұратын көліктің жақсы сатылатынына сенімді. Айтпақшы, украиналықтар «Кулондар» паркін бірыңғай логистика желісіне біріктіретіндерін айтты, бұл бағдарламаны қашықтан жаңартып, болашақта әр машинаны автономды басқару жүйесімен жабдықтауға мүмкіндік береді.
Комментариев: 0