Жоба тарихын Jumpi деген қолданушы RC-Forum.ru сайтында баяндап берді.
Парфёнов деген кісі 90 жылдардың басында 300 ат күші мен 980 Нм айналу сәтін беретін 16 литрлік дизельді V6 моторын сатып алып, көлік құрастыруға кіріседі. Кейін жолдасы БТР-60-қа тиесілі жетектердің жарты осьтерін сатып алды.
Болашақ «Уранның» сызбаларын Геннадий Хаинов 1998 жылы жасады. Ол кезде жобаға инвестор табылған-ды. Қолдағы ақша келесі жылы көлік шассиін жасау жұмыстарын бастауға мүмкіндік берді.
Көліктің шассиі болат профильден дәнекерленген төрт лонжеронмен күшейтілді. УТД-20 қозғалтқышы алдыңғы бөлікке қойылды, трансмиссия ЗИЛ-ден алынған. Аспасы тәуелсіз. Редукторлары БТР-ден алынған.
2004 жылы жоба толық аяқталды. Алайда көлік Хаиновтың гаражында қалып қойды, себебі тапсырыс беруші Мемлекеттік думаның депутаты атанғандықтан, қымбат көлік мініп көптің көзіне түсуді қаламаған. Нәтижесінде көлік 2015 жылы ғана иесіне жіберілді.
Содан кейін де «Уран» жолға шыға алмады, себебі одан бері қолдан жасалған техниканы тіркеу тәртібі өзгерген. Геннадий өз туындысын қайта сатып алмақ болғанымен одан түк шықпапты. Өйткені жаңа иесі бұрында жұмсалған 100 мыңның орнына 400 мың доллар сұраған.
Комментариев: 0