Шілдеде Қазақстандағы ресми дилерлер 9.8 мың жеңіл машина, 808 жүк көлігі мен автобус сатты. Шілдеде сатылған жаңа көліктер саны маусымдағыдан аз, бірақ сатылым мөлшері төрт ай қатарынан 10 мыңнан асты. Бұл 2020 жылғы көрсеткіштен 53.1 %-ға артық.
Ең көп саудаланған маркалар тізімінде бұл жолы да Chevrolet (3094 дана) көш бастады. Екінші орындағы Hyundai (2012) көшбасшыдан едауір артта қалды. Үздік үштікті екінші ай қатарынан Kia (1216 бірлік) түйіндеп тұр.
2021 жылғы шілде қорытындысы бойынша жаңа көліктер нарығындағы үздік 10 марка
| Орын | Марка | 2021 жылғы шілдедегі сатылым (дана) |
| 1 | Chevrolet | 3094 |
| 2 | Hyundai | 2012 |
| 3 | Kia | 1216 |
| 4 | Toyota | 1199 |
| 5 | Lada | 518 |
| 6 | Volkswagen | 448 |
| 7 | Renault | 285 |
| 8 | Nissan | 264 |
| 9 | JAC | 201 |
| 10 | Haval | 141 |
Жаңарған Camry мен жаңа Land Cruiser 300 сатылымға шықса да, Toyota электронды бөлшек тапшылығын әлі сезініп отыр. Ресми сатылым басталған алғашқы айда «үш жүздіктің» 142 данасы өтті, оның үстіне көлікті алу үшін кем дегенде бір жыл кезекте тұру керек. Қазір автосалонға барып, жол талғамайтын көлікті өндіруші ұсынған бағада сатып алу мүмкін емес.
Жиынтық түрлерінің бағасы мен сипаттамасы Kolesa.kz мобильді қосымшасындағы «Салонда тұрған жаңа автокөліктер» бөлімінде қолжетімді, оларды салыстыруға болады.
Танымал модельдердің ондығында өзгеріс болды. Жаздың екінші айында көш басына Chevrolet Nexia (1246) емес, Cobalt (1555) шықты. Олардан кейінгі орынға Hyundai Accent (830) жайғасқан. Ал төртінші қатарда Kia Rio (662), бесінші сатыда жаңарған Toyota Camry (490) тұр. 6-10 орын мына көліктерге бұйырды: Калугада жасалған Volkswagen Polo (323), Kia Sportage (290), Hyundai Creta (280), Hyundai Sonata (276), Toyota RAV4 (261).
Айта кетерлігі, Lada көліктері ұзақ уақыттан бері алғаш рет үздік ондыққа енбеді. Vesta-ның 242 данасы ғана сатылды. Шілдеде жаңа Hyundai Tucson кроссоверінің 216 данасы иесін тапты. Сондай-ақ 121 Chevrolet Equinox кроссовері өтті.
ҚАБА мәліметіне сүйенсек, 2021 жылдың алғашқы жеті айында 66 мыңнан аса жаңа көлік сатылды. Chevrolet көліктеріне сұраныс жоғары: қаңтардан шілдеге дейін 17 848 машина иесін тапты. Екінші орында Hyundai (14 250), үшінші қатарда Toyota (8178) тұр
Комментариев: 0