13 қарашада Алматының орталық көшелері жабылады

City Run 2022 жарысына орай жексенбі күні қалада көлік қозғалысы қиындайды. Ұйымдастырушылар қатысушылардың қауіпсіздігі үшін 13 қарашада мына жол бөліктері жабылатынын хабарлады:

• Төле би көшесінің Абылай ханнан Панфиловқа дейінгі бөлігі — 4:00-ден 11:00-ге дейін;
• Төле бидің Наурызбай батырдан Абылай ханға дейінгі бөлігі — 7:45-тен 9:40-қа дейін;
• Наурызбай батыр көшесінің Төле би мен Шевченко арасындағы бөлігі — 8:00-ден 9:30-ға дейін;
• Шевченко көшесінің Наурызбай батырдан Панфиловқа дейінгі аралығы — 8:05-тен 9:20-ға дейін;
• Панфилов көшесінің Төле биден Бөгенбай батырға дейінгі бөлігі — 8:15-тен 9:45-ке дейін;
• Бөгенбай батырдың Абылай ханнан Панфиловқа дейінгі бөлігі — 8:15-тен 9:45-ке дейін;
• Абылай хан даңғылының Төле би мен Бөгенбай батыр арасындағы бөлігі — 8:15-тен 9:45-ке дейін.

Жүргізушілер бағытын алдын ала жоспарлағаны жөн.

Қалалық мобильділік басқармасы спортшылар 04:00 мен 13:00 аралығында жүгіретінін атап өтті. Демек 13:00-ге дейін мегаполис орталығында көлік қозғалысы шектеледі.