12 қыркүйек сағат 22:00-ден бастап Алматыдағы Райымбек даңғылының солтүстік жағы Назарбаевтан батысқа қарай жөнделеді. Kolesa.kz редакциясына қалалық мобильділік басқармасы хабарлағандай, жол жөндеушілер таңғы сағат 6:00-де Чайковский көшесіне дейінгі бөлікке жаңа асфальт төсеп болады. Ал ертең сағат 22:00-де даңғылдың Назарбаевтан Чайковскийге дейінгі бөлігінің оңтүстік жағын жөндеу басталады.
Аталған жерде жұмыс аяқталған соң техника батысқа қарай жылжиды. Осылайша мамандар әр түн жұмыс істеп, 21 қыркүйекте Райымбек — Төретай қиылысына дейін асфальт төсеп болады. Жол жөнделіп жатқан кезде көлік қозғалысы толық тоқтайды. Жүргізушілер түнде жүретін бағытын алдын ала жоспарлағаны жөн.
Комментариев: 0