Mitsubishi Lancer Evolution 2016 жылы өндірістен алынды. Модельдің ізбасары болмағандықтан, машинаның соңғы нұсқасы Final Edition атауымен жарық көрді. Сондай көліктердің бірі Канадада сатылып жатыр.
Lancer Evolution X Final Edition базалық эвиктен аса қатты ерекшеленбейді. Ол GSR жиынтығына негізделген. Анағұрлым қымбат MR нұсқасынан Bilstein амортизаторлары, Eibach серіппелері мен тежеуіш дискілері және BBS дөңгелектері алынды. 2 литрлік турбомотор 303 ат күшін және 413 Нм айналу моментін береді. Агрегат бес сатылы механикамен жұптасады.
Канадалық көлік небәрі 99 шақырым жол жүріпті. Оның реттік саны да қызық. Жалпы Канада нарығына Final Edition-ның 350 данасы жеткізілсе, мынау соңғысы екен.
Бағасына келер болсақ, Evolution үшін сатушылар 148 мың Канада долларын (118 мың АҚШ доллары) сұрап отыр. Ал 2016 жылы су жаңа модель 37 995 долларға бағаланған.
Комментариев: 0