104 мың доллар тұратын Corolla Levin (AE86) рестомоды

2025 жылы Toyota өзіне тиесілі GR Heritage Parts бөлімшесі арқылы Сorolla-ның аңызға айналған AE86 индексті нұсқасының жап-жаңа бөлшектерін сата бастады. Енді TOM’s Inc. компаниясы Жапонияда фанаттардың тапсырысы бойынша рестомод жасап жатыр.

Ателье алдымен көлікті толығымен бөлшектеп, шанағын нүктелі дәнекерлеу әдісімен қалпына келтіреді. Екі есікті көлікті жаңа шанақ панельдерімен әрлеп, бояйды да, дайын спорткарға Bridgestone Potenza RE-11RS (195/50) шинасымен қапталған 15 дюймдік Igeta дискісін орнатады. Одан бөлек, артқы бампердің астына диффузорды жасырып қояды

1 / 5

• 
• 
• 
• 
• 

1 / 5

1980 жылдардағы сәннен ауытқымай, AE86-ның ішіне классикалық орындықтар қойып, TOM’s жасаған фирмалық рөл сияқты бірқатар тюнинг элементін қосады.

Автомобиль бұл модель үшін стандарт саналатын 4A-GE моторымен қозғалады. Бірақ инженерлер оның қуатын 1578 текше см-ден 1626 текше см-ге дейін арттырған, соның арқасында агрегат 158 орнына 192 ат күшін береді, ал айналу моменті 191 Нм-ге жетеді. Мотор механикалық беріліс қорабымен жұмыс істейді.

Тюнерлер Corolla Levin AE86 рестомодының пилоттық экземплярын жыл басында Токио автосалонында көрсеткен. Сол кезде болашақ клиенттеріне модернизация элементтері бар реставрация 83 мың доллар тұратынын айтты, бірақ ол үшін қолыңызда донор көлік болуға тиіс. Ал база іздеуді мамандарға тапсыруды жөн көрген кісі 104 мың долларды санап береді.