Комплект колёс за $100 000

100 мың доллар тұратын дөңгелек

Michelin тысымен қапталған OZ Racing дискілерінің төрт данасы қомақты ақшаға сатылмақ.

Түрлі заттарды сатуға арналған америкалық сайттардың бірінде көңіл аударарлық бір хабарландыру пайда болды. Оның авторы төрт дана дөңгелекті сатып, 100 мың доллар пайда таппақ ниетте. Неге сонша қымбат? Мұның жауабы қарапайым: 20-дюймдік дөңгелектер Bugatti Veyron гиперкарына тиесілі.

Сатылымға «бугатти» үшін италиялық OZ Racing компаниясы арнайы жасаған дискілердің толық жиынтығы шығарылған. Өндіруші зауыттың ұсынысына сәйкес, дөңгелек қабын тек екі рет қайта қолдануға болады, одан кейін оларды толықтай ауыстырған жөн.

Комплект колёс за $100 000

Олар 400 км/сағ жылдамдыққа 15 минут көлемінде шыдас беретін бірегей Michelin тысымен қапталған. Десе де, дөңгелек жыртылып кетеді деп қорқудың қажеті жоқ. Себебі бак толы жанармай одан бұрын таусылып қалады.

Автордың айтуынша протектор қалдығы 85 %, яғни көлік тым аз жол жүргенге ұқсайды. Ал бір жиынтықпен шамамен 4-5 мың шақырымды артқа тастауға болады.

Комплект колёс за $100 000

«Вейронның» ұсталған дөңгелектерінің кімге қажет болары белгісіз. Аса қымбат темір тұлпар иелері оның бөлшектерін қолдан ала қоймас. Ерекше тюнинг жасауға құмар жандардың да керегіне жарай қоюы екіталай, себебі Bugatti дөңгелектерінің тысы тым жалпақ (алдыңғысының көлемі — 265/680 R500 мм, артқысының көлемі — 365/710 R540 мм).

Комментариев: 0

Чтобы оставить комментарий, вам необходимо зарегистрироваться или авторизоваться.