Энергетика министрлігі сұйытылған мұнай газының шекті бөлшек бағасын бекітетін бұйрықты өзгерту жобасын дайындады. Ведомство елде көгілдір отынның тұтыну мөлшері артып келеді деді. 2022 жылы 1.8 млн тонна болса, былтыр 2.4 млн тоннаға жетті. Соған қарамастан бағасы ТМД елдері ішінде ең төмен деңгейде.
«Қазір газ өндірісінің құны тоннасына 70–80 мың теңге, ал зауыттар үшін белгіленген шекті көтерме баға — 51 932 теңге. Осыған байланысты өндірушілерге зауытты жаңартуға және жыл сайынғы жөндеу жұмыстарына қаражат жетпей жатыр. Шығын көп болғандықтан зауыттардың газ өндіруге деген қызығушылығы төмендеп, олар табысы көбірек өнімге ауысуды жөн көрді. Бұл ішкі сұранысты толық қамтамасыз етуге қауіп төндіреді», — деп хабарлады министрлік.
Жаңа бұйрық жобасы бойынша көтерме бағаны тоннасына 59 722 теңгеге дейін көтеру ұсынылған. Бекеттердегі бөлшек баға аймаққа байланысты литріне 7–10 теңгеге өседі. Бұл өзгерістердің мақсаты — сұйытылған мұнай газының нарықтағы бағасына бейімделу, саланың инвестиция тұрғысынан тартымдылығын арттыру және нарықты тұрақтандыру.
Министрлік бұл бастама
Биыл 30 қаңтардан бастап билік бензин мен дизельдің бағасын реттемейді. 1 ақпанда газдың шекті бағасы өсті. Содан бері бөлшек баға өзгермеді.
Комментариев: 0