1 ақпаннан бастап елімізде газ қымбаттайды. Бұл 29 қаңтардағы энергетика министрінің бұйрығында жазылған. Аймаққа байланысты бағасы 6-21 теңгеге өседі. Мысалы, Алматыда 89 теңге орнына 102 теңге болады, ал Маңғыстау облысында 59 теңгеден 65 теңгеге көтеріледі. Облыс орталығынан 200 шақырымнан астам қашық орналасқан шалғай аудандарда көгілдір отын құнына 5 теңге қосылады.
Ақпаннан бастап газдың бөлшек саудадағы шекті бағасы мынадай болады:
- Алматыда — 102 теңге (қазір 89 теңге);
- Астанада — 102 теңге (қазір 84 теңге);
- Шымкентте — 90 теңге (қазір 70 теңге);
- Ақтөбе облысында — 77 теңге (қазір 59 теңге);
- Атырау облысында — 77 теңге (қазір 59 теңге);
- Ақмола облысында — 102 теңге (қазір 84 теңге);
- Алматы облысында — 102 теңге (қазір 89 теңге);
- Шығыс Қазақстан облысында — 102 теңге (қазір 84 теңге);
- Жамбыл облысында — 90 теңге (қазір 78 теңге);
- Батыс Қазақстан облысында — 77 теңге (қазір 70 теңге);
- Қостанай облысында — 102 теңге (қазір 84 теңге);
- Қызылорда облысында — 90 теңге (қазір 70 теңге);
- Қарағанды облысында — 102 теңге (қазір 84 теңге);
- Маңғыстау облысында — 65 теңге (қазір 59 теңге);
- Павлодар облысында — 102 теңге (қазір 81 теңге);
- Солтүстік Қазақстан облысында — 102 теңге (қазір 89 теңге);
- Түркістан облысында — 90 теңге (қазір 70 теңге);
- Абай облысында — 102 теңге (қазір 84 теңге);
- Жетісу облысында — 102 теңге (қазір 84 теңге);
- Ұлытау облысында — 102 теңге (қазір 84 теңге).
30 қаңтардан бастап билік бензин мен дизелдің бағасын реттеуден бас тартты. Жақында АИ-92 бензинінің құны 5 теңгеге өсуі мүмкін. Энергетика министрі Алмасадам Сәтқалиев болашақта жанармай бағасы Ресейдегідей болады деді.
Комментариев: 0