1 қазанда Алматының жоғарғы бөлігінде көшелер жабылады

Бұл жолы спортшылар Әл-Фарабидің оңтүстігінен бастап Саинның батысы мен Абай даңғылының солтүстік бөлігімен жүгіреді. Одан бөлек Шашкин, Тимирязев, Байзақов, Сәтбаев, Байтұрсынов көшелерін және Республика алаңын бойлай қозғалады. Қозғалыс шектелетін уақытты, шығу нүктелерін картадан көре аласыздар.

«Алматы марафонына» байланысты 1 қазан 7:00-13:30 аралығында спортшылар жүгіретін жолдар жартылай жабылады. Ұйымдастырушылар олар жүріп өткен бөлікті бірден ашып отырады. 30 қыркүйек 6:00 мен 1 қазан 18:00 аралығында Сәтбаев көшесінің Желтоқсан мен Назарбаевқа дейінгі арасы екі бағытта жабық болады. Себебі сөре мен мәре нүктесі Республика алаңында деді әкімдік өкілдері.