Жексенбінің таңында мегаполисте City Run 2023 шарасы өтеді. Спортшылар жарыс жолын Астана алаңынан бастап, Наурызбай батыр, Шевченко, Бөгенбай батыр және Панфилов көшелерін екі айналып шығады. Жарыс кезінде мына жолдар жабылады:
- Төле би көшесі Абылай ханнан Панфиловқа дейін — 4:00–11:00. Жүргізушілер шығысқа қарай Гоголь көшесімен, батысқа қарай Абай даңғылымен жүрсе болады;
- Төле би көшесі Наурызбай батырдан Абылай ханға дейін — 7:45–9:40. Жүргізушілер шығысқа қарай Гоголь көшесімен, батысқа қарай Абай даңғылымен жүрсе болады;
- Наурызбай батыр көшесі Төле биден Шевченкоға дейін — 8:00–9:30. Тұрғындар Сейфуллин даңғылымен жүрсе болады;
- Шевченко көшесі Наурызбай батырдан Панфиловқа дейін — 8:05–9:20. Жүргізушілер Абай даңғылымен жүрсе болады;
- Панфилов көшесі Төле биден Бөгенбай батырға дейін — 8:15–9:45. Назарбаев даңғылымен жүруге болады;
- Бөгенбай батыр көшесі Назарбаевтан Абылай ханға дейін — 8:15–9:45. Жүргізушілер шығысқа қарай Гоголь көшесімен, батысқа қарай Абай даңғылымен жүрсе болады;
- Абылай хан даңғылы Төле биден Бөгенбай батырға дейін — 8:15–9:45. Назарбаев немесе Сейфуллинмен жүруге болады.
Тұрғындар жолда сақ болып, бағытын алдын ала жоспарлағаны жөн.
Комментариев: 0